ޓްރަމްޕުގެ ސިއްހަތު ރަނގަޅު، ބަރުދަން ލުއިކުރަން ޖެހޭ

އެމެރިކާގެ ރައީސް ޑޮނަލްޑް ޓްރަމްޕުގެ ސިއްހަތު ރަނގަޅު ކަމަށާއި އެކަމަކު ބަރުދަން ހުރީ އެކަށީގެންވާ ވަރަށް ވުރެ މަތީގައި ކަމަށް ވާތީ ބަރުދަން ލުއިކުރަންޖެހޭ ކަމަށް ޓްރަމްޕުގެ ޑޮކްޓަރު ވިދާޅުވެއްޖެ އެވެ. ވައިޓް ހައުސްގެ ފަރާތުން ރައީސް ޑޮނަލްޑް ޓްރަމްޕްގެ މެޑިކަލް ރިޕޯޓް އާންމުކުރީ ހުކުރު ދުވަހުގެ ރޭގެ ވަގުތެއްގަ އެވެ. ޑޮކްޓަރު ވަނީ ބަރުދަން ލުއިކުރުމަށް އިރުޝާދު ދެއްވައިފަ އެވެ. މީގެ އިތުރުން، މި ރިޕޯޓުގައި ޓްރަމްޕްގެ ސިއްހީ ބައެއް އެހެން ކަންކަމަށް ވެސް ބަލާފައިވެ އެވެ.