އެމެރިކާ އިން އިންޒާރު ދީފި: ހަނގުރާމަ ފެށުމުގެ ޤާބިލުކަން އެބަ އޮތް

އީރާނާއެކު ސުލްހައިގެ އެއްބަސްވުމެއް ހެދުމުގެ މަސައްކަތް ކުރަމުންދާ ދަނޑިވަޅެއްގައި، އަލުން ހަނގުރާމައެއް ފެށުމުގެ ފުރިހަމަ ގާބިލުކަން އެމެރިކާ އަށް ލިބިގެންވާ ކަމުގެ އިންޒާރު އެމެރިކާ ސަރުކާރުން ދީފި އެވެ. ރައީސް ޓްރަމްޕް ވިދާޅުވީ އީރާން އިން ނިއުކްލިއަރ ހަތިޔާރު އުފެއްދުމުގެ ފުރުސަތު ނުދިނުމަށާއި، ހޮރްމޫޒް ކަނޑުއޮޅި ހުޅުވާލުމަށް އިސްކަން ދެއްވާ ކަމަށެވެ. މި މަޝްވަރާތަކަށް ބުރޫ އެރީ، މި ހަފުތާގައި އީރާންގެ ބަނދަރަކަށް އެމެރިކާ ދިން ހަމަލާތަކާއި، އޭގެ ރައްދުގައި އީރާން ދިން ހަމަލާތަކާ ގުޅިގެންނެވެ.