ޗައިނާގައި މިނިވޭން ލޮރިއެއްގައި ޖެހި 13 މަރު

ޗައިނާގެ މެދުތެރޭގެ ސަރަހައްދެއްގައި، ކެޕޭސިޓީއަށްވުރެ ގިނަ މީހުން އުފުލި މިނީވޭނެއް ލޮރިއެއްގައި ޖެހި ނުރައްކާތެރި އެކްސިޑެންޓެއްގައި 13 މީހުން މަރުވެ، ތިން މީހަކަށް އަނިޔާވެފައިވާ ކަމަށް ޓްރެފިކް ފުލުހުން ބުނެފިއެވެ. ގިނަވެގެން ނުވަ މީހުންގެ ޖާގަ އޮންނަ މި ވޭނުގައި އެކްސިޑެންޓް ހިނގިއިރު 16 މީހުން ތިއްބެވެ. މި ހާދިސާ ހިނގާފައިވަނީ ހުނާން ޕްރޮވިންސްގެ އެކްސްޕްރެސްވޭއެއްގައި ބުރާސްފަތި ދުވަހުގެ ފަތިހުއެވެ. ޗައިނާގެ މިނިސްޓްރީން ބުނީ މި ހާދިސާއަށް ވަރަށް ބޮޑު ސަމާލުކަމެއް ދީފައިވާ ކަމަށާއި، އެކްސިޑެންޓް ހިނގަން މެދުވެރިވި ސަބަބު ތަހުގީގުކުރުމަށް ވޯކިން ގްރޫޕެއް ނަންޔަންގަށް ފޮނުވާފައިވާ ކަމަށެވެ.