އަލްބަނީޒްއާ ދެކޮޅަށް އެމެރިކާގެ ދަތިކުރުމުގެ ފިޔަވަޅު އަލުން އިއާދަކޮށްފި

ފަލަސްތީނުގެ ހައްގުގައި ވަކާލާތުކުރާ އަދި އިޒްރޭލަށް ފާޑުކިޔާ އދ. ގެ މަންދޫބު ފްރަންސެސްކާ އަލްބަނީޒްއާ ދެކޮޅަށް އެމެރިކާ ސަރުކާރުން އަޅާފައިވާ ދަތިކުރުމުގެ ފިޔަވަޅުތައް، ކޯޓަކުން ނެރުނު އަމުރެއް ބާތިލުކުރުމާ ގުޅިގެން ބުދަ ދުވަހު އަލުން އިއާދަކޮށްފިއެވެ. މި ފިޔަވަޅުތަކުގެ ސަބަބުން އަލްބަނީޒް ވަނީ ދުނިޔޭގެ ކޮންމެ ތަނެއްގައި ހުރި ނަމަވެސް ބްލެކްލިސްޓް ކުރެވިފައެވެ. މީގެ ސަބަބުން ބޮޑެތި ކްރެޑިޓް ކާޑުތައް ބޭނުންކުރުމާއި ބޭންކިން މުއާމަލާތްތައް ހިންގުން އޭނާއަށް ވަނީ މުޅިން މަނާވެފައެވެ.