އެމެރިކާގެ މަރުކަޒަކަށް ބަދަލުހިފުމުގެ ހަމަލާއެއް ދީފިކަން އީރާނުން އިއުލާނުކޮށްފި

އީރާނާ ދެކޮޅަށް ހިންގާ އުދުވާނީ އެއްވެސް އަމަލަކަށް ރައްދު ނުދީ ދޫނުކުރާނެ ކަމަށް ބުނެ، އިރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައިއާރުޖީސީ) އިން ދުޝްމަނުންނަށް އިންޒާރު ދީފިއެވެ. އެމެރިކާގެ އަސްކަރިއްޔާއިން ވައިގެ މަގުން ހަމަލާދިނުމާ ގުޅިގެން، އައިއާރުޖީސީން ވަނީ އެ ހަމަލާ އައި އެމެރިކާގެ ވައިގެ މަރުކަޒަށް އަމާޒުކޮށް އާ ހަމަލާތަކެއް ދީފައިވާ ކަމަށް ބަޔާނުގައި ބުނެފައިވެއެވެ. މި ރައްދަކީ ދުޝްމަނުންނަށް ދެވޭ ސީރިއަސް އިންޒާރެއް ކަމަށާއި، އުދުވާނީ އަމަލުތަކަށް ރައްދު ނުދީ ދޫނުކުރާނެކަން އެމީހުން ދަންނަންވާނެ ކަމަށް އައިއާރުޖީސީން ބަޔާންކޮށްފައިވެއެވެ.