އީދު ހަރަކާތްތަކުގައި އުރީދޫގެ ބައިވެރިވުން

މިއަހަރުގެ އަޟްހާ އީދުގެ މުނާސަބަތުގައި ރާއްޖޭގެ އެކި ސަރަހައްދުތަކުގައި އެކި ހަރަކާތްތައް އުރީދޫއާ ގުޅިގެން ކުރިއަށްދާނެ ކަމަށް އެ ކުންފުނިން ބުނެފި އެވެ. މާލެ އާއި ހުޅުމާލޭގައި އީދު ބޯކިބާ ބެހުމުގެ ހަރަކާތް ބާއްވާފައިވާއިރު، ރާއްޖޭގެ އެކި ރަށްރަށުގައި ތިބި ކުޑަކުދިންނަށް ހާއްސަކޮށް އީދު ހަދިޔާ ބަހައިފަ އެވެ. މީގެ އިތުރުން، އެމްއެންޑީއެފުން އިންތިޒާމުކުރާ ކުޑަކުދިންގެ ހަވީރުގައި ފޯމް ޕާޓީ ބޭއްވުމަށް ވެސް އުރީދޫން ވަނީ އެހީތެރިކަން ފޯރުކޮށްދީފަ އެވެ. އުރީދޫން ވަނީ ކައުންސިލްތަކާއި ޖަމިއްޔާތަކުން އިސްނަގައިގެން ކުރިއަށް ގެންދާ އެކި އީދު ހަރަކާތްތަކުގައި "ޑިޖިޓަލް ޕާޓްނަރު" ގެ ގޮތުގައި ބައިވެރިވެފަ އެވެ.