ޓްރަމްޕް ކެބިނެޓުގެ ބައްދަލުވުމެއް ކޭމްޕް ޑޭވިޑްގައި

އެމެރިކާގެ ރައީސް ޑޮނަލްޑް ޓްރަމްޕް ބުދަ ދުވަހު ކޭމްޕް ޑޭވިޑް ރިޓްރީޓްގައި ކެބިނެޓުގެ ބައްދަލުވުމެއް ބާއްވަން ނިންމަވާފައިވާ ކަމަށް ވައިޓް ހައުސްގެ އޮފިޝަލަކު ހާމަ ކޮށްފި އެވެ. މި ބައްދަލުވުން ބާއްވަން ނިންމާފައި ވަނީ، އެމެރިކާ އާއި އީރާންއާ ދެމެދު ކުރިއަށް ގެންދަމުން އަންނަ މަޝްވަރާތައް ނާޒުކު ފައްތަރެއްގައިވާ ވަގުތެއްގަ އެވެ. ނިއު ޔޯކް ޕޯސްޓް އިން ރިޕޯޓު ކޮށްފައިވާ ގޮތުގައި މި ބައްދަލުވުމުގެ އެންމެ މުހިންމު މައުޟޫ އަކީ އީރާންގެ ވާހަކަތައް ކަމަށާއި، އިގްތިސާދީ ކަންކަން ވެސް މި ބައްދަލުވުމުގައި މަޝްވަރާ ކުރައްވާނެ ކަމަށް ބުނެފައިވެ އެވެ.