ފަލަސްތީނުގެ މިނިވަން ދައުލަތެއް ނެތި އިޒްރޭލާއެކު ގުޅުމެއް ނުކުރާނެ ކަމަށް ސައުދީން ބުނެފި

ފަލަސްތީނުގެ މިނިވަން ދައުލަތެއް ގާއިމުނުކޮށް، ސައުދީ އަރަބިއްޔާއިން އިޒްރޭލާއެކު ގުޅުން ބަދަހި ނުކުރާނެކަން އެ ގައުމުގެ މަސްދަރަކާ ހަވާލާދީ ސީ.އެން.އެން އިން ކަށަވަރުކޮށްދީފިއެވެ. ފަލަސްތީނުގެ މިނިވަން ދައުލަތެއް އުފެއްދުމަށް ސާފު އަދި ސީދާ މަގަކުން ކަންކަން ފަހިވެގެން މެނުވީ، އިޒްރޭލާއެކު އެއްވެސް ސިފައެއްގައި ގުޅުން ގާއިމެއް ނުކުރެވޭނެއެވެ. މެދުއިރުމަތީގެ ސަރަހައްދީ ސުލްހައާއި ހަމަޖެހުން ގާއިމުކުރެވޭނީ ފަލަސްތީނުގެ މައްސަލައަށް އިންސާފުވެރި އަދި ފުރިހަމަ ހައްލެއް ހޯދައިގެން ކަމަށް ރިޔާޟުން ގަބޫލުކުރެއެވެ.