އީރާންގެ ނިއުކްލިއާ ޕްރޮގްރާމް ނައްތާލަން އެއްބަސްވުން

އީރާންގެ ނިއުކްލިއާ ނުރައްކާ ނައްތާލުމަށް އެމެރިކާގެ ރައީސް ޓްރަމްޕް އާއި އިޒްރޭލްގެ ބޮޑުވަޒީރު ނަތަންޔާހޫ އެއްބަސްވެ ވަޑައިގެންފި އެވެ. އީރާންގެ ނިއުކްލިއާ މަޝްރޫއުގެ ސަބަބުން ކުރިމަތި ވެފައިވާ ނުރައްކާތައް އެއްކޮށް ނައްތާލުމަށް ދެ ބޭފުޅުން ވެސް ތާއީދު ކުރައްވާ ކަމަށް ނަތަންޔާހޫ ވިދާޅުވި އެވެ. އީރާންގެ ނިއުކްލިއާ ނުރައްކާ ނައްތާލުމަށް ޓަކައި އެ ގައުމުގައި ހުރި ނިއުކްލިއާ މުއްސަނދި ކުރާ މަރުކަޒުތައް އުވާލަން ޖެހޭ ކަމަށާއި، އީރާންގެ ބިމުގައި މިހާރު މުއްސަނދި ކޮށްފައި ހުރި ނިއުކްލިއާ މާއްދާތައް އެ ގައުމުން ބޭރު ކުރަން ޖެހޭނެ ކަމަށް ވެސް ނަތަންޔާހޫ ވިދާޅުވި އެވެ.