ރަޝިޔާ، އިނގިރޭސި ޑިފެންސް ސެކްރެޓަރީ ދަތުރުކުރެއްވި ބޯޓުގެ ސިގްނަލް ޖޭމްކޮށްފި

ރަޝިޔާގެ ބޯޑަރު ކައިރިން ދަތުރުކުރި އިނގިރޭސި ޑިފެންސް ސެކްރެޓަރީ ޖޯން ހީލީ ދަތުރުކުރެއްވި ރޯޔަލް އެއާ ފޯސްގެ މަތިންދާ ބޯޓެއްގެ ސިގްނަލްތަކަށް ރަޝިޔާ ވަނީ ހުރަސް އަޅައި ޖޭމްކޮށްލާފައެވެ. މި ހާދިސާ ހިނގާފައި ވަނީ މިދިޔަ ހަފުތާގެ ބުރާސްފަތި ދުވަހު، އެސްޓޯނިއާގައި ތިބި އިނގިރޭސި ސިފައިންނާ ބައްދަލުކުރެއްވުމަށް ފަހު އެނބުރި ގައުމަށް ވަޑައިގެންނެވި މަގުމަތީގައެވެ. މި ހަމަލާގެ ފަހަތުގައި ރަޝިޔާ އޮތް ކަމަށް ބެލެވޭއިރު، މިއީ ސީދާ ހީލީ އަށް އަމާޒުކޮށް ދިން ހަމަލާއެއްކަން އަދި ކަށަވަރެއް ނުވެއެވެ.