ހޮރްމޫޒް ކަނޑުއޮޅި އާއި ޔޫރޭނިއަމް މަޝްވަރާތަކުގައި ހުރަސް

އީރާނާއި އެމެރިކާގެ މަޝްވަރާތަކުގައި ހޮރްމޫޒް ކަނޑުއޮޅި އާއި ޔޫރޭނިއަމް މައްސަލަ ބޮޑު ހުރަހަކަށް ވެފައިވާ ކަމަށް ރިޕޯޓްކޮށްފިއެވެ. ޕާކިސްތާނުގެ ޚާރިޖީ ވަޒީރު ވަނީ މި މައްސަލަތަކާ ގުޅޭގޮތުން މަޝްވަރާކުރެއްވުމަށް އީރާނުގެ ޚާރިޖީ ވަޒީރާ ބައްދަލުކުރައްވައިފައެވެ. މަޝްވަރާތަކުން އުންމީދީ ބައެއް ނިޝާންތައް ފެންނަން ހުރި ނަމަވެސް، ހޮރްމޫޒް ކަނޑުއޮޅިން ދަތުރުކުރާ އުޅަނދުތަކުން ފީ ނެގުމުގެ ނިޒާމެއް ތަންފީޒުކުރާ ނަމަ އެއްވެސް ހައްލެއް ނުލިބޭނެ ކަމަށް އެމެރިކާގެ ސެކްރެޓަރީ އޮފް ސްޓޭޓް ވިދާޅުވިއެވެ.