ކައުންސިލްތަކަށް އެއް ބިލިއަން ރުފިޔާ ގްރާންޓްގެ ގޮތުގައި ދޫކޮށްފި

މި އަހަރުގެ މިހާތަނަށް ކައުންސިލްތަކަށް ގްރާންޓުގެ ގޮތުގައި އެއް ބިލިއަން ރުފިޔާ ދޫކޮށްފައިވާ ކަމަށް ފިނޭންސް މިނިސްޓްރީގެ ތަފާސްހިސާބުތަކުން ދައްކައިފި އެވެ. މިއީ މިއަހަރަށް ކަނޑައަޅާފައިވާ ކައުންސިލް ގްރާންޓުގެ ގާތްގަނޑަކަށް 40 ޕަސެންޓެވެ. މިއަހަރުގެ ބަޖެޓުގައި ކައުންސިލް ގްރާންޓްގެ ގޮތުގައި ދޫކުރަން ނިންމާފައިވަނީ 2.5 ބިލިއަން ރުފިޔާ އެވެ. މިދިޔަ އަހަރުގެ މި މުއްދަތުގައި ކައުންސިލްތަކަށް ގްރާންޓްގެ ގޮތުގައި ދޫކޮށްފައިވަނީ 700 މިލިއަން ރުފިޔާ އެވެ.