ވެކްސް އާއި ލޭޒާ: ދީނީ ގޮތުން ހުއްދަ ނޫން ކަންކަން

މިއަދުގެ ހުކުރު ޚުތުބާގައި ބުނެފައިވަނީ ސާފުތާހިރުކަމުގެ ނަމުގައި ކުރާ ވެކްސް ފަދަ ކަންކަން ކުރުމަށްޓަކައި، ދީނީ ގޮތުން ހުއްދަ ނޫން މީހުންގެ ކުރިމަތީގައި ޢައުރަ ކަޝްފުކުރުމަކީ ހުއްދަ ކަމެއް ނޫން ކަމަށެވެ. މިފަދަ ކަމެއް ހުއްދަވާނީ ހަމައެކަނި ޞިއްޙީ ފަރުވާއެއް ފަދަ ޟަރޫރީ ޙާލަތެއްގައި އެކަނި ކަމަށްވެސް ބުނެފައިވެއެވެ. ޚުތުބާގައި އިތުރަށް ބުނީ، ފިޠުރަތުގެ ސުންނަތްތަކުގެ ތެރޭގައި ހިމެނޭ ކަންކަމަށް ފަރުވާކުޑަކުރުމަކީ ޖަރާސީމު އުފެދި ނުބައިވަސް ދުވުމަށް މެދުވެރިވާ ކަމެއް ކަމަށެވެ. އަދި ވުޟޫކުރާއިރު ފެން ނުޖެހޭ ފަދަ އެއްޗެހި ބޭނުންކުރުމުން ނަމާދު ޞައްޙަ ނުވާނެކަމުގެ އިންޒާރުވެސް ދީފައިވެއެވެ.