ދެކުނު އިރުމަތީ އޭޝިއާގައި ރާއްޖެ އިޝްތިހާރުކުރަން ހަރަކާތެއް ފަށައިފި

ޔޫރަޕުން ރާއްޖެ އަށް އަންނަ ޓޫރިސްޓުން މަދުވެފައި ވަނިކޮށް، ދެކުނު އިރުމަތީ އޭޝިއާގައި ރާއްޖެ އިޝްތިހާރު ކުރަން ނެޝަނަލް ހޮޓެލްސް އެންޑް ގެސްޓްހައުސް އެސޯސިއޭޝަން އޮފް މޯލްޑިވްސް (އެންއެޗްޖީއޭއެމް) އިން ވަރުގަދަ ހަރަކާތެއް ފަށައިފި އެވެ. "މޯލްޑިވްސް ސައުތު އީސްޓް އޭޝިއާ ރޯޑްޝޯ" ގެ ނަމުގައި ހޮންކޮންގްގައި ފެށި އެ ހަރަކާތުގައި ދެކުނު އިރުމަތީ އޭޝިއާ ސަރަހައްދުގެ ޓޫރިޒަމް އިންޑަސްޓްރީގެ ލީޑަރުންނާއި ޓްރެވެލް އެޖެންޓުންނާއި އެހެނިހެން ބޭފުޅުން ބައިވެރިވެވަޑައިގެންނެވި ކަމަށް އެންއެޗްޖީއޭއެމް އިން ބުނެ އެވެ. މިދިޔަ އަހަރާއި މި އަހަރުގެ މިހާތަނަށް، އޭޝިއާ-ޕެސިފިކް ސަރަހައްދުން ރާއްޖެ އަށް 700،033 ޓޫރިސްޓުން ޒިޔާރަތްކުރި އެވެ. އެ ސަރަހައްދުން ރާއްޖެއަށް ޓޫރިސްޓުން އަންނަ މިންވަރު އަހަރަކު 12.1 ޕަސެންޓުން އިތުރުވަމުން އަންނަ ކަމަށް ވެސް އަބްދުﷲ ވިދާޅުވި އެވެ.