ގިނަދުވަސްވީ މުދާ ހަތް ދުވަސްތެރޭ ކްލިއަރކުރަން އަންގައިފި

މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވަނީ މާލޭ ވިޔަފާރި ބަނދަރަށް ބާލާފައި ހުރި، ކްލިއަރ ނުކޮށް ގިނަ ދުވަސްވެފައިވާ މުދާ ހަތް ދުވަސް ތެރޭގައި ކްލިއަރ ކުރުމަށް އަންގާފައެވެ. މި މުއްދަތުގެ ތެރޭގައި މުދާ ނުގެންގޮސްފިނަމަ އެތަކެތި ނީލަން ކިޔާނެ ކަމަށް އެމްޕީއެލްއިން ބުނެއެވެ. މީގެއިތުރުން، މުދަލުގެ ވެރިފަރާތްތަކުން މުދާ ނުގެންދާނަމަ ނީލަމުގައި ވިއްކާލާނެ ކަމަށާއި، ނީލަމުގައި ވިއްކިފައި ނުވާ މުދާ ނައްތާލުމަށްފަހު އެ ޚަރަދުވެސް ވެރިފަރާތަށް ބިލްކުރާނެ ކަމަށް އެމްޕީއެލްއިން ބުނެއެވެ.