ލޭ ހަދިޔާކުރުން ސުވަރުގެ ވަނުމުގެ ނަސީބު ލިބޭ ޞަދަޤާތެއް

މިއަދުގެ ހުކުރު ޚުތުބާގައި ބުނެފައިވަނީ މީހެއްގެ ފުރާނަ ސަލާމަތްކުރުމަށްޓަކައި ލޭ ހަދިޔާކުރުމަކީ ސުވަރުގެ ވަނުމުގެ ނަސީބު ލިބިދާނެ މަތިވެރި ޞަދަޤާތެއްކަމަށެވެ. ހަމަ އެންމެ އިންސާނެއްގެ ފުރާނަ ސަލާމަތްކޮށްދިނުމަކީ މުޅި އިންސާނިއްޔަތު ދިރުވުން ފަދަ ކަމެއްކަމަށް ޚުތުބާގައި ފާހަގަކޮށްފައިވެއެވެ. ރާއްޖޭގެ ބުލަޑުބޭންކުތަކަށް ލޭ ހަދިޔާކުރާނެ މީހުން ބޭނުންވެފައިވާކަން ފާހަގަކޮށް، ޝަރުޠުހަމަވާ އެންމެހައި ފަރާތްތަކުން ލޭ ހަދިޔާކުރުމަށް ގޮވައިލާފައިވެއެވެ. ލޭ ހަދިޔާކުރުމުގެ އިތުރުންވެސް، މީހުންގެ ފުރާނަ ސަލާމަތްކުރުމަށް ކުރެވިދާނެ ކަންކަމުގެ މައްޗަށް ޚުތުބާގައި އަލިއަޅުވައިލިއެވެ.