ރަމަޟާން މަހު ގޭތެރޭގެ މަސައްކަތްތަކުގައި އެހީތެރިވާން ޖެހޭ: ޚުތުބާ

މިއަދުގެ ހުކުރު ޚުތުބާގައި ބުނެފައިވަނީ ރަމަޟާން މަހަކީ ހަމައެކަނި އަޅުކަމުގެ މަހެއް ނޫން ކަމަށާއި، އެ މަހު ގޭތެރޭގެ މަސައްކަތްތަކުގައި އެހީތެރިވެ އުޅުމަކީ އިސްލާމްދީން ބާރުއަޅާ މަތިވެރި ސިފައެއް ކަމަށެވެ. އާއިލާގެ އެންމެން ގުޅިގެން މަސައްކަތްތަކުގައި އެހީތެރިވުމަކީ ބޮޑުވެގެންވާ ދަރުމައާއި ސަވާބު ލިބޭނެ ކަމެއް ކަމަށް ޚުތުބާގައި ފާހަގަކުރިއެވެ. މީގެ އިތުރުން، ރޯދައަކީ ހަމައެކަނި ކެއުމާއި ބުއިމުން ދުރުހެލިވުން ނޫން ކަމަށާއި، އެއީ އިންސާނާގެ ދުލާއި ގުނަވަންތައް ފާފަތަކުން ދުރުހެލިކުރުން ކަމަށް ވެސް ބުނެފައިވެއެވެ. ރަމަޟާން މަހުގެ ޙުރުމަތް ހިފެހެއްޓުމަށާއި، ޒުވާނުން އެ މަހުގެ ވަގުތުތައް ކުޅިވަރާއި މަޖަލުގައި ހޭދަނުކޮށް އަޅުކަމުގައި ހީވާގިވުމަށް ޚުތުބާގައި ގޮވާލިއެވެ.