ޒުވާނުންގެ ނަފްސުތައް ތަރުބިޔަތު ކުރަން ރަނުގެ ފުރުޞަތެއް: ޚުތުބާ

މިއަދުގެ ހުކުރު ޚުތުބާގައި ބުނެފައިވަނީ ރަމަޟާން މަހަކީ ޒުވާނުންގެ ނަފްސުތައް ތަރުބިޔަތުކޮށް، ހެޔޮލަފާ ޖީލެއް ބިނާކުރުމަށް ލިބިފައިވާ ރަނުގެ ފުރުޞަތެއް ކަމަށެވެ. ޚުތުބާގައި ފާހަގަކޮށްފައިވަނީ ރަމަޟާން މަހުގެ ފަހު ދިހައިގެ ރޭތަކުގެ މާތްކަމާއި، އެ ރޭތަކުގެ ތެރޭގައި ލައިލަތުލްޤަދުރި ވިލޭރޭ ހިމެނިގެންވާކަމެވެ. ޒުވާނުން މަސްތުވާތަކެއްޗާއި ދުންފަތުގެ އިސްތިޢުމާލުކުރުން ފަދަ ނޭއްގާނީ ޢަމަލުތަކުން އެއްކިބާވެ، ރިވެތި އަޚުލާޤުން ޒީނަތްތެރިވުމަށް ޚުތުބާގައި ވަނީ ނަޞޭޙަތްތެރިވެފައެވެ. މީގެ އިތުރުން ޞަދަޤާތްކުރުން ގިނަކުރުމަށާއި ފިޠުރު ޒަކާތް ދެއްކުމަށްވެސް އިރުޝާދު ދީފައިވެއެވެ.