މިއަހަރު ރަޝިއާއިން ޒިޔާރާތްކުރި ފަތުރުވެރިން އިތުރުވެއްޖެ

މިއަހަރު ރާއްޖެއަށް ޒިޔާރާތްކުރި ރަޝިއާ ފަތުރުވެރިންގެ އަދަދު މިދިޔަ އަހަރާ އަޅާބަލާއިރު ވަނީ އިތުރުވެފައެވެ. މިނިސްޓްރީން އާންމުކޮށްފައިވާ ތަފާސްހިސާބުތަކުން ދައްކާގޮތުގައި، މިހާތަނަށް 80,143 ރަޝިއާ ފަތުރުވެރިން ރާއްޖެއަށް ޒިޔާރާތްކޮށްފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު %19 އިތުރު އަދަދެކެވެ. ރަޝިއާ އޮތީ ދެވަނައަށް އެންމެ ބޮޑު މާކެޓުގެ ގޮތުގައެވެ. ނަމަވެސް، މެދުއިރުމަތީގައި ހިނގަމުންދާ ހަނގުރާމައާ ގުޅިގެން ރާއްޖޭގެ ފަތުރުވެރިކަމަށްވެސް އަސަރުކޮށްފައިވެއެވެ.