ވިޒިޓް މޯލްޑިވްސް އިން ފަތުރުވެރިކަމަށް ވެބިނާއެއް ބާއްވަނީ

ވިޒިޓް މޯލްޑިވްސް ކޯޕަރޭޝަންއާއި ޕާޓާ ގުޅިގެން ފަތުރުވެރިކަމުގެ ގޮންޖެހުންތަކަށް ހައްލު ހޯދަން ވެބިނާއެއް ބާއްވަން ނިންމައިފިއެވެ. ދަތުރުގެ އަގު ބޮޑުވުމާއި ދުނިޔޭގެ އިގްތިސާދަށް ލިބެމުންދާ ގެއްލުންތަކުގެ އަސަރު ދިވެހިރާއްޖެ ފަދަ ގައުމުތަކަށް ބޮޑުވާނެއެވެ. މި ވެބިނާގެ މަގުސަދަކީ މިފަދަ ދަނޑިވަޅެއްގައި ރާއްޖޭގެ މާކެޓު ވަރުގަދަކޮށް ހިފެހެއްޓުމަށް ބޭނުންވާ އޮނިގަނޑެއް ސިނާއަތުގެ ބައިވެރިންނަށް ފޯރުކޮށްދިނުމެވެ. ވެބިނާ ނިމުމުގެ ކުރިން ބައިވެރިންނަށް މާހިރުންނާ ސުވާލުކުރުމުގެ ފުރުސަތު ލިބޭނެއެވެ.