ޙުރުމަތްތެރި މައްސަރުތަކުގައި ފާފަ ނުކުރުން މުހިންމު

މިއަދުގެ ހުކުރު ޚުތުބާގައި ބުނެފައިވަނީ ޙުރުމަތްތެރިވެގެންވާ މައްސަރުތަކުގައި ފާފަތަކަށް އަރައިގަތުމުގެ ނުބައިކަން މާ ބޮޑު ކަމަށެވެ. އަހަރުގެ ބާރަ މަހުގެ ތެރެއިން ހަތަރު މަހެއް މާތް الله ވަނީ ޙުރުމަތްތެރި ކުރައްވާފައެވެ. މި މައްސަރުތަކުގައި ކުރާ ފާފައިގެ ފާފަވެރިކަން ބޮޑުވާ ފަދައިން، ކުރާ ހެޔޮ ޢަމަލުތަކުގެ ދަރުމައާއި ޘަވާބުވެސް އިތުރުވާނެ ކަމަށް ޚުތުބާގައި ބުނެފައިވެއެވެ. މުއުމިނުން މިފަދަ މަތިވެރި ދުވަސްތަކުގައި އަޅުކަމުގައި ހީވާގިވެ، ހެޔޮ ޢަމަލުތައް ގިނަކުރުމަށް ނަޞޭޙަތްތެރިވެފައިވެއެވެ.