ރަމަޟާން މަސައްކަތް ހުއްޓާލައި ނިދުމުގެ މަހެއް ނޫން: ޚުތުބާ

މިއަދުގެ ހުކުރު ޚުތުބާގައި ބުނެފައިވަނީ ރަމަޟާން މަހަކީ ކަންނެތްވެ މަސައްކަތް ހުއްޓާލައި ނިދުމުގެ މަހެއް ނޫން ކަމަށާއި، އެއީ އަޅުކަމުގައި ހީވާގިވެ ކުރިއަރައިދާންވީ މަހެއް ކަމަށެވެ. ރަމަޟާން މަހުގެ ފަހު ދިހައަކީ އިތުރަށް ހީވާގިވެ އަޅުކަމުގެ ކަމަރުބަންނަންވީ ދުވަސްތަކެއް ކަމަށް ޚުތުބާގައި ފާހަގަކޮށްފައިވެއެވެ. މީގެ އިތުރުން، އިސްލާމްދީނަކީ އޯގާތެރިކަމުގެ ދީނެއް ކަމަށްވާތީ، ރާއްޖޭގައި ދިރިއުޅޭ އެހެން ދީންތަކުގެ މީހުންނަށާއި ބިދޭސީންނަށް އިޙުސާންތެރިވުމަށް ނަޞޭހަތްތެރިވެފައިވެއެވެ. އަދި ފިޠުރު ޒަކާތް ދެއްކުމަށް އަވަސްވެގަތުމަށް ޚުތުބާގައި ބާރުއަޅާފައިވެއެވެ.