މަސައްކަތްކުރުމަކީ ދަށުދަރަޖައިގެ ކަމެއް ނޫން: ޚުތުބާ

މިއަދުގެ ހުކުރު ޚުތުބާގައި ވަނީ ދަނޑުވެރިކަމާއި މަސްވެރިކަން ފަދަ މަސައްކަތްތަކަކީ ދަށުދަރަޖައިގެ ކަމެއް ނޫންކަން ހަނދާންކޮށްދީފައެވެ. އިސްލާމްދީނަކީ ދުނިޔެއާއި އާޚިރަތުގެ ދީނެއް ކަމަށާއި، ދިރިއުޅުމަށްޓަކައި ދުނިޔެ ޢިމާރާތްކުރުމަކީ އިންސާނާގެ މަސްއޫލިއްޔަތެއް ކަމުގައި ބުނެފައިވެއެވެ. މަސައްކަތްކުރުމަށް ބާރުއަޅާފައިވާއިރު، ހަލާލު ގޮތުގައި އާމްދަނީ ހޯދުމަށް އިރުޝާދުދީ، ރިބާ ފަދަ ކަންކަން ޙަރާމްކުރައްވާފައިވާކަން ފާހަގަކޮށްފައިވެއެވެ.