ޖަމާޢަތް ހަދައިގެން ދުޢާ ކުރުން ހުއްދަ: ފަތުވާ މަޖިލިސް

ފަތުވާ މަޖިލީހުން ބުނެފައިވާ ގޮތުގައި، ޖަމާޢަތުގައި ދުޢާ ކުރުމަކީ މައްސަލައެއް ނޫނެވެ. ނަމަވެސް، އެކަން އާދައަކަށް ނުހެދުމަށް ޝަރުޠުކުރައްވާފައިވެއެވެ. ބައެއްފަހަރު ހަމައެކަނި ދުޢާކުރުމަށްޓަކައި ގަވާއިދުން މީސްތަކުން އެއްވެ، އެކަންކުރާތީ މިފަދަ ޝަރުޠުތަކެއް ކޮށްފައިވެއެވެ. މީސްތަކުން ވަކި މަޤްޞަދެއްގައި އެއްވެ، އެ ބައްދަލުވުން ނިންމާލުމުގެ ގޮތުން ޖަމާޢަތުގައި ދުޢާއެއްކުރި ނަމަވެސް، މިއީ ވަކި ވަގުތެއް ނުވަތަ ޚާއްޞަ ޢިބާދާތެއްކަމަށް ނުޤަބޫލުކުރާހާ ހިނދަކު މިކަން ބިދުޢައެއްގެ ގޮތުގައި ނުބެލެވޭނެއެވެ.