ޝަރީޢަތުގެ ނިޒާމު ދިރިއުޅުމުގެ ހުރިހާ ދާއިރާއެއް ޝާމިލުވޭ: ޚުތުބާ

މިއަދުގެ ހުކުރު ޚުތުބާގައި ބުނެފައިވަނީ އިސްލާމީ ޝަރީޢަތުގެ ނިޒާމުގައި ދިރިއުޅުމުގެ ހުރިހާ ދާއިރާއެއް ޝާމިލުވާކަމަށެވެ. ޙަޤީޤީ ބާއްޖަވެރިކަމަކީ ހިތުގެ އުފާވެރިކަމާއި ނަފުސުގެ ހަމަޖެހުން ކަމަށާއި، މިކަންކަން ހާސިލުކުރެވޭނީ الله سُبْحَانَهُ وَتَعَالَىއަށް ކިޔަމަންތެރިވުމުން ކަމަށް ޚުތުބާގައި ބަޔާންކޮށްފައިވެއެވެ. އިސްލާމީ ޝަރީޢަތަކީ ދިރިއުޅުމުގެ ހުރިހައި ދާއިރާއެއް ޝާމިލުވާ ފުރިހަމަ ނިޒާމެއްކަން ޚުތުބާގައި ހާމަކޮށްފައިވެއެވެ. ދުނިޔެއާއި އާޚިރަތުގެ ބާއްޖަވެރިކަން ހޯދުމަށް އެދޭނަމަ الله ސުބުޙާނަހޫ ވަތަޢާލާ އަށް ތަޤުވާވެރިވެ، އެކަލާނގެ އަމުރުފުޅުތަކަށް ކިޔަމަންވެ، ނަހީކުރެއްވި އެންމެހައި ކަންކަމުން ދުރުހެލިވެތިބުމަށް ޚުތުބާގައި ގޮވާލާފައިވެއެވެ.