ފުވައްމުލަކުގައި އިމާމުންނާއި ޚަތީބުން ތާޒާކުރުމުގެ ޕްރޮގްރާމެއް

ފުވައްމުލައް ސިޓީގައި އިމާމުންނާއި ޒުވާން ޚަތީބުން ތާޒާކުރުމުގެ ޕްރޮގްރާމެއް ފަށައިފިއެވެ. މިނިސްޓްރީން ފަށާފައިވާ މި ޕްރޮގްރާމުގައި 42 ބައިވެރިން ބައިވެރިވެފައިވެއެވެ. މި ޕްރޮގްރާމަކީ ޤުރްއާނާއި، ތަޖުވީދު، ތަފްސީރު، ފިޤުހު، ޙަދީޘް އަދި އަޤީދާގެ ޢިލްމުގެ ދާއިރާއިން އިމާމުންނަށް ބޭނުންވާ މުހިއްމު ޢިލްމީ ކަންކަން އުނގަންނައިދިނުމަށް އަމާޒުކޮށް ކުރިއަށްގެންދާ ޕްރޮގްރާމެކެވެ. ރާއްޖޭގެ އެކި ރަށްރަށުގައި އިމާމުން ލިބުމުގެ ދަތިކަމަށް ޙައްލެއް ހޯދުމާއި، ޒުވާނުންގެ ހިތްތަކުގައި އިމާމުކަމާއި ޚުޠުބާ ކިޔުމަށް ޝައުޤުވެރިކަން އުފެއްދުން މި ޕްރޮގްރާމުގެ މައިގަނޑު މަގުޞަދެވެ.