އިސްލާމީ އުންމަތް ނިކަމެތިވަނީ ﷲގެ ޤާނޫނު ދޫކޮށްލާތީ

މިއަދުގެ ހުކުރު ޚުތުބާގައި ބުނެފައިވަނީ އިސްލާމީ އުންމަތް ނިކަމެތިވަނީ ﷲގެ ޝަރީޢަތް ދޫކޮށް އަމިއްލަ ޤާނޫނުތަކަށް ޢަމަލުކުރުމުން ކަމަށެވެ. ޣައިރުދީންތަކުގެ މީހުން މަސައްކަތްކުރަނީ މުސްލިމުން ބައިބައިކޮށް، އިސްލާމް ދީނާ މެދު ޝައްކު އުފައްދައި، މި އުންމަތް ނިކަމެތިކުރުމަށް ކަމަށް ޚުތުބާގައި ފާހަގަކުރެއްވިއެވެ. ދީނީ ޝަޚުޞިއްޔަތު ދެމެހެއްޓުމަކީ މުހިންމު ކަމެއް ކަމަށާއި، ޣައިރުދީންތަކުގެ މީހުންނާ އެއްގޮތްވެގެން ނުވާނެ ކަމަށް ޚުތުބާގައި ބުނެފައިވެއެވެ. ދިވެހިރާއްޖޭގެ މުސްލިމު އުންމަތުގެ ޙާލަތަށް ބަލާއިރު، ދިވެހީންނަކީ ޒަމާނުއްސުރެން އިސްލާމް ދީން ޤަބޫލުކޮށް އުޅޭ ބަޔެއް ކަމަށް ޚުތުބާގައި ފާހަގަކުރެއްވިއެވެ.