ހަރުދަނާ ޢާއިލާއެއް ބިނާކުރުން: ޚުތުބާގެ ނަސޭހަތް

މިއަދުގެ ހުކުރު ޚުތުބާގައި ބަޔާންކޮށްފައިވަނީ ހަރުދަނާ ޢާއިލާއެއް ބިނާކުރެވޭނީ ގޭތެރޭގެ މާޙައުލުން ދީނާ ދުރު ފިކުރުތަކާއި ޢަމަލުތައް ނައްތައިލެވިގެން ކަމަށެވެ. ޢާއިލާއަކީ މުޖުތަމަޢުގެ ބިންގަނޑު ކަމަށާއި، ޢާއިލާ ބަލިކަށިވެއްޖެ ނަމަ ދިރިއުޅުމުގެ ނިޒާމު ހަލާކުވެ، މުޖުތަމަޢުން އިންސާނިއްޔަތުކަން ނެތިދާނެ ކަމަށް ޚުތުބާގައި ވަނީ ފާހަގަކޮށްފައެވެ. މައިންބަފައިންގެ ދައުރަށް އަލިއަޅުވާލައި، ދަރީންނަށް ރިވެތި އަޚްލާޤާއި ދީނީ ތަރުބިޔަތު ދިނުމުގެ މުހިންމުކަން ޚުތުބާގައި ވަނީ ބަޔާންކޮށްފައެވެ. ދަރީންގެ ހިތްތަކުގައި އީމާންކަން އުނގަންނައިދީ، އިސްލާމީ ޝިޢާރުތަކަށް މާތްކޮށް ހިތުމަށް ދަސްކޮށްދިނުމަށް ވެސް ގޮވާލާފައިވެއެވެ.