މައިންބަފައިންގެ ރުހުން މުޞީބާތުން ސަލާމަތްކުރައްވައޭ

މިއަދުގެ ހުކުރު ޚުތުބާގައި ބުނެފައިވަނީ މައިންބަފައިންގެ ރުހުން ލިބުމަކީ މުޞީބާތަކުން ސަލާމަތްކުރައްވާ ކަމެއްކަމަށެވެ. މުޖުތަމަޢުގައި ހިނގާ ނޭދެވޭ ކަންކަމުގެ ތެރެއިން އެއްކަމަކީ މައިންބަފައިންނަށް އުރެދި، އެބައިމީހުންނަށް ނުކިޔަމަންތެރިވުމެވެ. މައިންބަފައިންނަށް އިޙުސާންތެރިވުމަކީ އިންސާނާގެ ޢުމުރުގައި ބަރަކާތްލައްވާނެ ކަމެއް އަދި ސުވަރުގެއަށް ވަނުމުގެ ދޮރެއްކަމަށް ޚުތުބާގައި ބަޔާންކުރެއްވިއެވެ. މީގެ އިތުރުން މިސްކިތުގެ ޙުރުމަތް ކަނޑައިލުމާއި ވިޔަފާރީގައި މަކަރު ހެދުމަކީވެސް ނޭދެވޭ ކަންކަމުގެ ތެރޭގައި ހިމެނޭ ކަމަށް ފާހަގަކުރެއްވިއެވެ.