ތަވާޟުޢުވެރިކަމާއި ހެދުން އެޅުމުގެ މުހިއްމުކަން

މިއަދުގެ ހުކުރު ޚުތުބާގައި ބަޔާންކޮށްފައިވަނީ ތަވާޟުޢުވެރިކަމުގެ މުހިއްމުކަމެވެ. ހެދުން އެޅުމުގައި އިސްލާމީ ހިންގުންތަކުން ބޭރުވެ، މަޝްހޫރު މީހުން ކޮޕީކުރުން މިހާރު އާންމުވެފައިވާއިރު، އެފަދަ ކަންކަމަށް ނަބިއްޔާ ﷺ ދެއްވާފައިވާ އިންޒާރުގެ ބަސްފުޅަށްވެސް އަލިއަޅުވާލާފައިވެއެވެ. ތަވާޟުޢުވެރިކަމަކީ ދަރަޖަ އުފުލައި، މީސްތަކުންގެ މެދުގައި ލޯތްބާއި އޯގާތެރިކަން އިތުރުކޮށް، އުޚުއްވަތްތެރިކަން ފެތުރުވައިދޭ ކަމެއް ކަމަށް ޚުތުބާގައި ބަޔާންކޮށްފައިވެއެވެ.